У найбліжэйшыя некалькі дзён у Беларусі з рабочым візітам знаходзіцца дэлегацыя лесаводаў з Рэспублікі Татарстан. У цэнтры ўвагі гасцей - беларускі вопыт вядзення лясной гаспадаркі.
Напярэдадні дэлегацыя прыляцела ў Мінск. На беларускай зямлі гасцей асабіста павітаў міністр лясной гаспадаркі Аляксандр Кулік.
Сёння госці на чале з міністрам лясной гаспадаркі Рэспублікі Татарстан Равілем Кузюравым наведалі Рэспубліканскі лясны селекцыйна-насенняводчы цэнтр, Цэнтр падрыхтоўкі кадраў Мінлясгаса, пасля чаго правялі афіцыйныя перамовы з кіраўніцтвам Міністэрства лясной гаспадаркі Рэспублікі Беларусь.
Кіраўнік ляснога ведамства Татарстана прызнаўся, што ўражаны ўбачаным. Да прыкладу, падчас наведвання "лясной біяфабрыкі" была нададзена асаблівая ўвага вырошчванню дуба чарэшчатага, а таксама дэкаратыўнага пасадачнага матэрыялу. Гэта перспектыўныя напрамкі і для лясгасаў Татарстана.
А вось Цэнтр падрыхтоўкі кадраў Мінлясгаса зрабіў уражанне тым, што не толькі дае веды слухачам, але і клапоціцца пра іх здароўе.
- Гэта ўнікальная магчымасць, - сказаў міністр лясной гаспадаркі Татарстана Равіль Кузюраў. - Мы яе бярэм на аловак!
Яшчэ больш падрабязнасцяў - у нашым telegram-канале.
