З 26 мая першым намеснікам міністра лясной гаспадаркі прызначаны Андрэй Карась, намеснікам міністра - Ігар Малашэвіч.
Прадстаўляючы калектыву Мінлясгаса Андрэя Карася ў якасці свайго першага намесніка, Аляксандр Кулік падкрэсліў: за плячыма ў Андрэя Мікалаевіча - багаты вопыт і шлях, пройдзены ў галіне, пачынаючы ад таксатара. Многія напрамкі добра знаёмыя знутры новаму кіраўніку.
- Мы навучыліся ў галіне дасягаць аб'ёмаў, вала, але пакуль нам далёка да ідэалу ў плане якасці. Першая ваша задача - лесааднаўлення. Па гэтым кірунку нас ацэньваюць як простыя людзі, так і кіраўнік дзяржавы. Другое - навядзенне парадку. Сярод іншых пытанняў - прыняцце зямель з ДХР у склад ляснога фонду, ахова лесу ад пажараў. Важна, каб не толькі ў міністэрстве разумелі ўсю важнасць рашэнняў, якія прымаюцца, але і на месцах, - акцэнтаваў увагу Аляксандр Кулік.
Прадстаўляючы Ігара Малашэвіча калектыву апарата Мінлясгаса, кіраўнік галіны Аляксандр Кулік падкрэсліў: гэта прызначэнне можна назваць "запозненым". На думку міністра, Ігар Малашэвіч ужо даўно быў гатовы падняцца на прыступку вышэй у сваёй кар'еры. Толькі ў апараце Мінлясгаса ён працуе ўжо 23 гады. У свой час быў адзначаны дзяржаўнай узнагародай: медалём "За бездакорную службу 3 ступені".
- У галіне вы чалавек вядомы. І, як гаворыцца, час заўсёды знаходзіць сваіх герояў. Што датычыцца прамысловага напрамку, то ў нас рэкордныя паказчыкі па адгрузках прадукцыі. Але ёсць пытанні якасці, эканомікі, тэхнічнай аснашчанасці нашых устаноў. Работы ў вас шмат, - даў наказ прызначэнцу Аляксандр Кулік.
Прэс-служба Мінлясгаса
